Rijasolo . Mahaleo . Rina Ralay Ranaivo . Harivola Rakotondrasoa .

Mendrika Ratsima . Christiane Ramanantsoa . Gilbert Rakoto . Bolo .

Mahefa Reboza . Bryan Rajesy . Tsiriniaina Irimboangy . Soratra

Gad Bensalem . Andrianina Rajoelisoa, dit Joely . Dah'mama . To

Ranaivoharijao pour Tolona . Raymond Rajaonarivelo . Tsiory

Razafinorovelo . Elie Ramanankavana . Bodo . Elie Rajaonarison

Philibert Tsiranana . Richard Ratsimandrava . Amiral Didier

Ratsiraka . Professeur Albert Zafy . Marc Ravalomanana . Hery

Rajaonarimampianina . Andry Rajoelina . Michaël Randrianirina .

Joël Andrianomearisoa . Hasnaine Yavarhoussen . Anja Rama . Liva

Randrianarivony . Sambatra Andriamanana . Tsiky Razakarivony .

Haja Salomé Rakotoarimanana . Christel Marline.Fulbay . Fabrice

Raheriniaina . Karim Rakotobe . Mickaël Rabearison . Edmondine

Razafimalala . Rolland Rahalison

FEO

Isa

Feo iray

Feo roa

Two

Feo telo

Isa sy roa

Efatra … folo … arivo … tapitrisa

This is my voice, with our voices, us.

FEO

Tonon-taona fahatelon’i Hakanto Contemporary

Lalam-panoratana vaovao entina mandrary ny ankehitrinin’i Madagasikara

ombanin’

ny samboaravoarany ara-politika,

ny fihazoazoan’ny olom-pirenena,

ny triatrany, ny triatrantsika,

ny fisalasalany amin’ny fitiava-tanindrazana

ny hetsi-bahoaka

ny ahiahiny, ny ahiahintsika

ny hetsiny, ny hetsitsika

ny hiakany, ny hiakantsika

ny fanantenany, ny fanantenantsika

ny fidrahodrahony, ny fidrahodrahontsika

ny finoany, ny finoantsika

ny fitiavany, ny fitiavantsika

ny tantarany, ny tantarantsika,

ny neniny, ny nenintsika

ny fahadisoam-panantenany, ny fahadisoam-panantenantsika

ny famoizam-pony, ny famoizam-pontsika.

Ny poiziny, ny poizintsika

Ses venins, nos venins

ny fanafana odiny, ny fanafana odintsika

ny nofiny ary indrindra ny kantony. Ny kantontsika.

FEO, teti-kasa ventesin’ireo mpiara-miasa rehetra ato amin’i Hakanto Contemporary,

hiarahana amin’ireo mpanakanto sy olom-pirenena malagasy.

Toko vaovao arafitry ny sangan’asa, fanehoan-kevitra ary hetsika ara-java-kanto, teny, feo, fandavan-tena ary asa mibaiko ny fitempon’ny fotoana.

Fandinihana ny ankehitrinin’i Madagasikara amin’ny endriny rehetra - fitiava-tanindrazana, kalo, politika, jeografia, tantara, olom-pirenena ary indrindra indrindra kanto.

FEO

Ny Omaly, ny Anio

Ary ny Ampitso ?

Sopatra ve ny anio sa hery vao ?

Eo am-piandrasana ny faharavana na ny fandresena
Eo am-piandrasana ny fahalavoana na ny

fanandratana

Andeha ventesina hatreny amin’ny hazavana ny feo
Andeha asandratra ny hery rehetra

Ny fitarainana

Ny hira

Ny hetaheta

Ny fiainana rehetra

Ny nofy rehetra

Ny nofy ratsy

Ny horaka

Ny faniriana

Ny fo

Ny fanantenana

Ny fahatokisan-tena

Eny - ny hery rehetra

Feo ! Feo ? Feo

Tsy tabataba na fanendrikendrehana

Tsy toriteny na tondro-molotra,

FEO

Fahalalahana, habaka malalaka nomena an’ireo mpanakanto.

Ireo hosodokon’i Mendrika Ratsima mifaningotra amin’ny tantara dia midola amin’ny feon-kiran’i Bolo …

Christiane Ramanantsoa, andriambavin’ny sehatra, mandinika ny fiaraha-monina amin’ny alalan’ireo hosodoko zary vakoka nataon’i Gilbert Rakoto.

Harivola Rakotondrasoa, mandihy amin’ireo soratra sy rangotr’i Rina Ralay Ranaivo.

Rafahafahana kaloin’ny Mahaleo, mandidy sy manapaka ny tenin’ny mpahay tao-trano Mahefa Reboza.

Tsiriniaina Irimboangy kosa mindrana ireo voninkazo, mamadika azy ireo ho fitaovam-piadiana mahery vaika.

Ödy Ôdy – mandondona miaraka amin’i Gad Bensalem sy ny vazon’i Saka dit The King.

Joely mametraka tononkalo anaty fihetsika milanto entanin’ny feon-javamaneno lalimpaka eto.

Pika sary, raiketin’i Rijasolo, ilay fotoana toa saropady tsy hiverina intsony — dia tafintohina eo isika rehetra.

Raymond Rajaonarivelo kosa mamerina indray ny mpanakanto eo anivon’ny resadresaka.

Dradradradrain’i Elie Rajaonarison amin’ny heriny rehetra ny fahafatesan’ny kantontsika — ilay kanto mendrika ho antsika.

Manenina i Bodo …

Ary Elie Ramanankavana kosa, amin’ny fiangaliana kaly soratra manome ilay feo farany — mahavery.

Manodidina ireo endrika ireo no mijoro ireo andrarezin’ny tantara ara-politikan’ny firenena. Manodidina ireto rakitra sy fitakian’ny mpanakanto ireto, maredona ihany koa ny feon’ireo olon’ny fiarahamonim-pirenena.

Feo, ireo feontsika.

Eo anilan’ireo tantara ireo, mitondra ny anjara teniny ny mpiara miasa eto amin’ny Hakanto Contemporary ary mametra-panontanina amin’ny Firenentsika ankehitriny.

Tokotany hilalaovana andihizanana sy hanoratana ireo arira, ireo fitakiana, ireo angano, ireo fihetsika — fa indrindra ireo fanantenana.

Feo mifanindry an-dalana amin’ny ankehitriny, ny endrika sy ny tsiaro.

Feo, feo iray, feo maro, feo manako.

Anatin’izany fifamaliana izany no re ity teti-kasa ity – fitambarana feon’olo-tokana sy feon’ny maro an’isa, feo tany aloha sy ankehitriny, feon’ireo kivy sy ireo mbola miandrandra, mifampitohy, mifanojo, indraindray mifandona,

mbola mitady lalana.

Tantara mitohy mampihetsi-po momban’i Madagasikara ahitana ireo triatra, ireo feo indraindray mbola manantenana na tsia.

FEO

FEO

FEO

Feontsika. Feonareo. Isika fa indrindra isika.

Joël Andrianomearisoa

Janoary 2026