AMOR FATI

Tetikasa Hakanto Flag

notanterahan’i Felana Rajaonarivelo

SAADIA, SOAVADIA

Tetikasan’i Mbolatiana Raoilison

antsoina hoe Clipse Teean

DIA HO IRAY IHANY

IZAHO SY IANAO

Fampirantiana samirerin’i Mirado Ravohitrarivo

M'AA SANS TOI

Fampirantiana samirerin’i Xhi sy M’aa

WE NEVER SAID

GOODBYE

Fampirantiana samirerin’i Mickaël Andrinirina

IN THE FIRST HOURS OF THE NIGHT

WE ARE ALL SENTIMENTAL

niombonan’i

Emilie Andriamahefa . Fanja Andriamanantena . Jean-Luc Andrianasolo . Donné Vonj . Boris Lock . Miranto Rafanomezana . Mamy Rajoelisolo . rakotographie . Jean Rambinintsoa . Daniela Razafindrakoto . Richianny et Mat Li . Temandrota . Vola sy Noro

SENTIMENTAL

SENTIMENTAL, tonon-taona vaovao ato amin’ny Hakanto Contemporary

Sento iray vaovao, toky tsy manam-paharoa,

Pejy iray misokatra, tonon-taona vaovao… atrikasa hiainana fahatsapana mbola tsy nisy hatrizay

SENTIMENTAL

Sary matroka, handraketana ny herim-po 

Teny tsy manam-petra tarafina masoandro tsy sahy manjopika 

Lamba tsy hay fantarina, mamehy sy mamatotra ny anjara ankehitriny

Bitsika mangina miantso aina vao 

Hatsiaka mandrahona, mandrava ny fotoana sy ny fanahy miangaly.

SENTIMENTAL

Resaky momba ny fotoana nefa tsy anaty vanim-potoana

Lohahevitra tsambaratelo nefa mipaka amin’ny daholobe

Tsongo mamaivay,malailay tsy manam-pisasarana

Resaky ny andaniny tsy mifototra raha tsy amin’ny ankilany

Tantara tsy voafaritra latsa-paka anatin’ny tsirairay avy. 

Eny ! WE ARE ALL SENTIMENTAL.

Ary anio ny fihetsaham-po no voizina, no ventesina sy banjinina

Anio ato amin’ny Hakanto Contemporary no anokafantsika ny sehatra, hanombohantsika ny tafasiry. 

Apetraka eto ny fanontaniana, Malagasy aho, fa ahoana ianao ry foko ? 

Ny endriky ny fihetseham-po ara-malagasy, tombanana sy rafetin’ny mpanakanto miisa roapolo

Mpanakanto malagasy, ireo velon’aina na efa aloka, ireo maontina sy mirakorako, ireo mpaminavina na mpanatanteraka, 

Mpanakanto andrarezina sy erotrerony

Mpanakanton’ny anio, Mpanakanton’ny omaly

Eto ny mpanakanto no miadihevitra, miady loha sy miady fo mampifanjevo ny hay sy ny ahiahy

Tsy misy savorovoro, tsy misy manakoako, izay tokoa angamba ny fanehoana ny fihetseham-po malagasy

Ny tafiotran’ny omaly no mitondra safo. Rehefa maty ilay masoandro, rehefa dify ny jaly rehetra, izay vao sahy.

Fifanakalozana tsy misy fototra rakofan’ny fanekena bitsihina

Tsy mora ny miresaka fihetseham-po ety anivon-driaka. 

Mikaroka izay azo ireo mpandray anjara hamaranana ny lalao. 

Sinto-mahery an-joron-dalana, anamparana ny fo fa tsy ahenoana fitiavana;

Miendrika hasarotan-kenatra ny sangy. 

Tsy manoroka afatsy ny aloky ny fitia efa lasa ireo molotra efa afa-po.

Havoaka imasoimaso ny teny tsy hay ambara. Zary fahatsiarovana ny nofo. Mirehitra malefaka ny mololo tahaka ny afon’ny tantara visavisaina. Vetsoin’ny fanatsafana ny vazon’ny fahadisoam-panantenana. Mifandrary ny fy sy ny ratra. Ny vola no manome ny gadon’ny faniriana. Tsy miredona intsony ny hiram-pitavana mandritry ny lalao. Ny tànana, safo malefaka, ny kinasa sy ny visavisa.

Matroka avokoa ny endrika sy ny tenin’ireo mpanakanto manolonana ity lohahevitra mahasadaikatra sy manorisory ity. 

Na Malagasy na tsia, na mpanakanto na tsia. Natao hanaitra, hisarihana ny saina sy hanindrona ny fo anefa izany. Hisantarana ny lanjan’ny fihetsem-po. Ny herin’ny faniriana. Ny faniriana ny ahatsapa, ny faniriana ny ho SENTIMENTAL, mba ho velona.

Joël Andrianomearisoa

2025