Fampirantiana niombonan’i

Amir Juvara Andrianalitiana (Amir.J) . Joëlle Aresoa (Joey Aresoa)

Aina Jo Harimanjato (Jo Aina) . Mbolatiana Raoilison (Clipse Teean)

Richianny Raherinjatovo (Richianny Ratovo)

Nofinofy misy tsiron'ny tany

Tena manembona izany tsiron'ny tany izany aho.

Ary tena mamy izany akora vokatrin'ny tany izany !

Aoka isika hampiray ny hevitsika momba ny Tany, ny Tany reny, ny Tany tanindrazana, ny Tany tany.

Aoka ny tsiro no ho fitsipika iraisana ho an'ny fifampiresahana.

Ny tsiron'ny taniko, ny tanindrazako, ny taninay, dia toy ny nofy fotsiny.

Faly izahay ao amin’ny Hakanto Contemporary manokatra toko vaovao, ny fampirantiana

LA NOUVELLE TERRE.

Fampirantiana fifanakalozan-kevitra momba ny Tany tanindrazana sy ny tany ara-tontolo iainana.

Tolo-kevitra natambatra amin’ny alalan’ny fiaraha-miasan’ireo mpanakanto dimy — tanora amin’ny taonany, nefa mavitrika amin’ny fanoloran-tenany.

Amir Juvara Andrianalitiana (Amir.J) . Joëlle Aresoa (Joey Aresoa) . Aina Jo Harimanjato (Jo Aina) . Richianny Raherinjatovo (Richianny Ratovo) . Mbolatiana Raoilison (Clipse Teean)

Terre patriotique, Terre écologique/ Tany tanindrazana sy ny Tany ara-tontolo iainana 

Sarotra ny manasaraka ireo hevitra roa ireo, koa aoka isika hitoetra eo anelanelany.

Tany ampiasaintsika hanaovana vilany ho an’ny hoavy ; tany voatriatra eo anelanelan’ny fitiavana sy ny fahoriana.

Tany voasarika mankany amin’ny fikatsahana ny maoderina, kanefa velona ao anatin’ny fahalemen’ny ankehitriny.

Tany mitaraina fanaintainana, nefa mety efa mamolavola ny fahaterahan’ny andro vaovao ihany koa.

Eny, tsy maintsy karakaraina ny tany (nahaterahana), fa ahoana ? Amin’ny fitaovana inona ? Ahoana ?

Nefa fitaka indraindray izao tontolo izao.

Ao anatin’io onjan’ny fihazohazoana io no ametrahan’ireo mpanakanto nasaina ny fijeriny sy ny sanganasany.

Tsy fahazoana antoka, kanefa fiekem-po tsy azo ihodivirana — ny fahamarinan’ny Tany dia mipetraka ao am-pon’izy ireo — ao anatin’ny fanahin’izy ireo sy ny asa ataon’izy ireo.

Rano avy amin’ny mazava andro ka hatramin’ny mazava alina

Mitondra antsika ao anatin’ny lalana mifamahofaho, marefo sady mampisalasala i Richianny Raherinjatovo. Entiny any anatin’ny tontolo fitaka isika, eo anelanelan’ny tanin’ny kibon-dreny sy ny ambadika mampatahotra ny tafio-drivotra. Fa any am-parany, hazavana hatrany, fanantenana hatrany.

Manoritra ny fitaratra ny hosodoko ary maneso ny toe-po ny fihetsika.

Terre quand tu nous tiens / Tany, rehefa mihazona anay ianao

Manasa antsika ao anatin’ny fahatsiarovana ny taniny nahaterahana i Joëlle Aresoa, hatramin’ireo sisin-tany vaovao noforoniny an-tsaina.

Amin’ny feony no itondrany antsika any anatin’ny mozikan’ny fihetseham-po, eo anelanelan’ny hiakan'ny tany sy ny fahatsiarovany...

Eo ambonin’ny latabatra no misy sarintany manoritra ny fisiany manokana.

Fire party / Afon-dasy

Aingam-panahy avy amin’ny faniriana maro samihafa, i Aina Jo Harimanjato dia mpanakanto feno hafanam-po izay mandrehitra antsika amin’ny gadona midobodoboky ny asany.

Horonantsary, feo, fampisehoana, fitafiana, hosodoko... lava ny lisitra.

Anio, dia mikasa ny hamindra ny tranony iray manontolo ao anatin’ny toeram-pampirantiana izy, mba hizarany amintsika ny fomba fijeriny manokana indrindra momba ny fitiavan-tanindrazana. Ao anatin’io trano io dia tsy hijanona mihitsy ny fety... ary ho lasa kianja fandihizana tokoa ny tanintsika !

Kilalao mainty

Manolotra sangan’asa voalohany mbola tsy naseho i Amir Juvara Andrianalitiana. Maizina ny mainty ao, kanefa mbola mirana hatrany: miseho toy ny tselatry ny fanantenana ara-tontolo iainana izy io. Ny hazo may dia mampiseho ny maitso mamirapiratra, ary manoritra tsipika velona eny amin’ny rindrina ny tanany. Eny ! Velona tokoa isika !!!

Autant en emporte le vent / Lasa niaraka tamin’ny rivotra

Mitady ilay zavatra: izany no teny filamatra ny tolo-kevitr’i Mbolatiana Raoilison.

Eo anelanelan’ny rindrina, eo anelanelan’ny lanitra, eo anelanelan’ny tany — manasa antsika izy mba hisambotra ny rivotra tsy hay tantanana, izay mitsoka eo amin’ny tanin’ny fihetseham-pontsika rehetra.

Sary mamitaka maso sa zavatra tsy tena misy ? Isika no vahaolana.

Amin’ny feo miaro fanetren-tena sy fahatsorana no nanoloran’ireo mpanakanto dimy ireo antsika ny fomba fijeriny momba ny Tany.

Kianja filalaovana mijanona ho zava-miafina, saingy zavatra iray no azo antoka : tsy maintsy karakaraina izy io.

Amin’ny halemem-panahy, amin’ny fitandremana,

Amin’ny fitiavana.

Joël Andrianomearisoa . Rina Ralay-Ranaivo

2024