Sehatra fifandraisana sy fandraisana andraikitra voarafitra tsara ity fandaharan'asa ity, ahafahana manohana mavitrika sy maharitra ireo tetikasa ara-kanto, ny famokarana ara-pandrindrana, ny fikarohana, ny fampiantranoana mpanakanto, ny famoaham-boky, ary koa ireo hetsika famoronana rehetra entin'ny Hakanto Contemporary.

Ity fandaharan'asa fanohanana ity koa dia manome fanampiana ara-bola hanohanana ireo mpanakanto sy ny sanganasany, ary hampandrosoana ny sampana famoaham-boky.

Amin'ny alalan'ny fidirana ao amin'ny Hakanto Friends, ny mpikambana tsirairay dia mandray anjara mivantana amin'ny fanatanterahana ireo tetikasa, amin'ny fampiroboroboana ny fahaiza-mamorona, ary amin'ny fanamafisana ny anjara asan'ny Hakanto Contemporary amin'ny maha mpandray anjara fototra sy tsy azo ihodivirana azy eo amin'ny tontolon'ny kolontsaina malagasy sy eo amin'ny sehatra iraisam-pirenena.

Ny Hakanto Friends dia fandraisana andraikitra azo tsapain-tanana ho an'ny famoronana ankehitriny — ho an'ny heriny, ny fampitana azy ary ny fielezany.